الحجز على موعد السفارة

هنا صملت على الدراسة والخروج من شركة أرامكوا وقلت لأحد خوياي “محمد” انتظر يومين لما أعطيك الإشارة بس بعد ماأضبط وضعي الخاص، وبعدها بيومين من كلامي مع محمد عن طريق برنامج سكايب عطيته الإشارة ببداية التحرك لإجراءات البعثة، وثاني خطوة بعد ماجددت الجواز كانت حجز موعد في السفارة.

طبعاً السفارة تطلب الكثير من المستندات مثل أوراق القبول والسيفس وحاجات كثيرة نعرفها قدام..

لكن محمد حجز لي موعد في السفارة بحكم الوقت، وأقرب موعد لقيته كان بعد 3 شهور !! (ياساتر يارب لهالدرجة زحمة !.)

قلت له طيب مستنداتي مو جاهزة .. قالي نقدر نحجز بدون اي بيانات مطلوبة بس على الأقل ناخذ مكان وبالتالي يمدي نعمل جميع الاجراءات ونخلص المستندات المطلوبة على مايجي موعد المقابلة.

وبالفعل سجلنا يوزر وباسوورد بـ 12 دولار أمريكي وبعدها حجزنا موعد على موقع السفارة الأمريكية www.ksa.us-visaservices.com ، ومن خلال اليوزر نرفع البيانات المطلوبة حبة حبة وأولها انا عملت بيانات السيفس (بعدين نعرفها).

ومع الوقت عرفت ان الموعد كان مهم جدا جدا جداً للحجز… وبالتالي أنبه من نقطة الحجز على الموعد وعدم التأجيل ولا تقول لاحق عليه فالعكس صحيح .. الموعد ماتلحق عليه أما الاجراءات هي اللي تلحق عليها.
———————————————————-

ملاحظات بخصوص موضوع المقال:

حاجة مهمة: مو أي أقرب موعد تحجزه، كان وقت بداية تحركي للإجراءات تقريباً في 8 يناير ولقيت موعد في 11 يناير لكن ماحجزها لي محمد. ليه؟؟
الإجابة: لازم قبل المقابلة تكون جميع المستندات جاهزة مثل أوراق القبول من الجامعه.
* الجامعه وأوراق القبول خلصوها في غضون اسبوعين ورسلوها لي ووصلتني بعد 4 ايام يعني المجموع تقريبا 3 أسابيع.

وأقرب وقت لي غير يوم 11 يناير كان في مارش وبالتالي حجزت اللي في شهر مارش (شهر 3) علشان يمديني اسجل بالجامعه واحصل على القبول واجمع اوراقي.

ملاحظة: أنا سجلت في 8 يناير وحصلت على يوم فاضي لتسجيل الموعد في 11 يناير (يعني 3 أيام)، وفي وسط المقال ذكرت أن 3 شهور أقرب موعد حجز لي؟؟ كيف؟
الجواب: احياناً (قليلاً) نشوف الأيام ممتلئة لشهرين قدام بس يكون يوم فيه مجال بسبب أحد الحاجزين سحب موعده.

———————————————————-

تحديثات للموضوع

* تنبيه هام على الموضوع: اختلفت الأن الطريقة وصار الحجز اخر شي بعد ماتتوفر كل الأوراق المطلوبة من قبول جامعي ودفع سيفس وغيره.

* معلومة: أضيفت المعلومة في 2 مارش 2012 الحجز في اخر الشهور صار يتوفر في اسبوع واسبوعين حسب السفارة بالرياض والقنصلية بالظهران


One thought on “الحجز على موعد السفارة

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s