الضمان المالي

كبداية وتجهيز لمراسلة الجامعة فالجامعة تحتاج إلى معرفة:
1- وجود عندي شهادة ثانوية.
2- عندي المبلغ اللي يقدر يغطي مصاريفي .. وأعني الضمان المالي.

بعد تجديد الجواز وكأحدى خطوات البداية من إجراءات القبول، طلعت مع  أبوي للبنك وطلبنا شهادة لاثبات مالي واصدرناها، وكان توه الوالد متقاعد من أرامكوا يعني انتو عارفين الموضوع.

وللمعلومية موضوع الضمان أموره سهلة في الاصدار إذا كان المبلغ متوفر .. مايحتاج يكون الوالد اللي عنده المبلغ، حتى لو كان على حسابي أو من الأقارب بأسم عمي غلشان في تقديم الطلب أكتب المسئول عن تكاليفي هو عمي أو أي أحد.. وعلى قولة واحد من الشباب: حتى لو هندي البقالة الموجود قريب البيت، يقدر يطلع لك ضمان مالي وتمشي أمورك إذا توفر عنده المبلغ اللازم.

يعني لازم يكون في الحساب حدود 115000 أو أكثر (حد معرفتي) لموافقة الجامعات الأمريكية على الضمان المالي.

وواقعاً أنا مابغي عمي يصرف علي أو غيره أو حتى أبوي، كل اللي ابغاه اصدار الشهادة علشان أقدر أسجل وتمشي إجرائاتي وبعدين أحول على البعثة. يعني الضمان المالي مجرد شهادة لا أكثر.

* معلومة: الضمان، الاثبات المالي، الشهادة كلهم نفس الكلام.. المقصد حاجة تثبت مقدرتك على تكاليف الدراسة والعيش هناك.
* معلومة2: لابد يكون الضمان المالي فيه أسم صاحب المبلغ وأسم المستفيد، لأن أبوي لما جا بيصدر الضمان المالي سألوه عن السبب، وحطو أسمي لكوني فرد مستفيد. باختصار المالك والمستفيد لازم تنحط أسمائهم.

صارت سالفة لواحد من خوياي راح يطلع ضمان مالي، والبنك كان بيجيبون فيه العيد ولا حطو اسمه. بس أخوه موجود بامريكا ورتبه في الجامعة واقنعهم بالضمان، فالأحتياط واجب.


14 thoughts on “الضمان المالي

  1. الله يعطيك العافية . . أنا قريت موضوع الضمان المالي على عُجاله
    ولكن لي عوده للمدونة لأتعمّق بكل مواضيعها المفيدة والرائعة . . لأني بحاجة لمثل هذه معلومات في هذه القترة بالتحديد

    الله يجزاك خير ويجعلها في موازين حسناتك لأنك فعلاً . . أبدعت وأمتعت وأفدت بهذا الطرح المتميز .

    تقبل ، ، فائق الود والتقدير

  2. الراجحي رافض يصدر لي الضمان المالي من حساب زوجي، ارجو الافاده باسماء البنوك التي تصدر ضمان بنكي ؟؟؟؟

    1. مالهم حق يرفضون. جميع البنوك تصدر ضمان مالي. راجعيهم وأضغطي عليهم. هذا حق لزوجك والضمان شي يرجع له مو يرجع لهم.

  3. السلام عليكم اخوي ..

    الله يعطيك العافيه .. انا موظف بشركه الان مهندس وابغى اسجل ببرنامج خادم الحرمين المرحلة الجايه (العاشرة) وعندي اسئلة كثييره.. هل الضمان المالي هم اللي يعطوني اياه ؟<< برنامج خادم الحرمين.. ومتى ابدأ خطوات التحضير(مراسلة الجامعه والمعهد) ؟ اذا بدأ التسجيل ؟ او ابدأ من الان؟

    ومشكوور

    1. وعليكم السلام ..
      الله يعافيك. بعد ماتسجل في البرنامج ويتم قبولك تبدأ في الأجراءات.

      بالنسبة للأجراءات، الضمان المالي تحصل عليه من الوزارة ومراسلة الجامعة لاحقاً بعد القبول في برنامج الإبتعاث

  4. شكرا علي الرد.
    الورقة اللي انت حاطها فوق عليها شعار الوزارة. يعني بعد ما اصدر الشهادة البنكية من البنك اروح للوزارة وهم يعطوني ضمان عليها؟ هذا سؤالي.

  5. جزاك الله خير. الحين الضمان المالي كيف طريقته؟ أروح للبنك وأطلب إصدار شهادة إثبات مالي بعدين أرح للوزارة وهم يصدرن لي ضمان عليها؟

    1. تجيب أي أحد في حسابه البنكي 115 ألف ريال تروح معاه للبنك ومعاك جواز السفر ويطلع لك ضمان مالي مختوم من البنك مكتوب فيه أسمه أن هو صاحب الحساب ومكتوب أسمك أن الضمان المالي عشانك.
      طبعاً مو مهم المبلغ يكون ملكه. حتى لو جمعت مبلغين أو ثلاثة وحطيتهم بحساب واحد، تقدر تطلع الضمان ويوم ثاني ترجع المبالغ.
      أهم شي في الموضوع يكون يوم اللي بتطلع الضمان المالي، يكون في حساب بنكي فيه 115000 ريال ويحضر معاك صاحب الحساب. أبوك أو أخوك أو أي أحد من أصحابك أو معارفك أو أي أحد.
      بالتوفيق

  6. صيغة الضمان لايكون موجه لجامعه .. ومايتحدد بجامعه معينه

    طبعا صيغة الضمان المالي ماله قوانين .. فتكون صيغة كاتبها مدير البنك .. المهم في الضمان المالي هو أثبات أن عندك مبلغ تقدر تصرفه للدراسة بالخارج .. وتقدر ترسله لعدة جامعات

    بالتوفيق

  7. مشكوور أخوي على الافاده بس عندي استفسار عن صيغة الضمان يعني الشهاده بتكون موجه للجامعه ؟ وهل اقدر اجيب ضماان يصلح لعده جامعات ؟ أرجو الافاااده وجزاك الله ألف خير

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s