دراسة اللغة والتجهيز لاختبار الايلتس

طبعاً أنا موظف أرامكوا يعني متحدث لغة إنجليزية، لكن مستواي مايأهلني أني أتعدى اللغة في أمريكا، بكذا قررت أدرس اللغة الإنجليزية في أحد المعاهد الخاصة، وغالبيتها حطوني في المستوى الرابع والخامس، وقلت لهم ابغى التوفل أجيب الدرجة الفلانية، نصحوني أدخل على الأختبار بعد المستوى السادس علشان أجيب الدرجة المطلوبة، وكانت الدرجة المطلوبة من الجامعة:

التوفل: 500 على الورق أو 61 على الانترنت أو 173 على الكمبيوتر.
الأيلتس: 5.0

.

دراسة اللغة:

سويت بحث في النت لمدة اسبوع تقريباً وشفت أن معهد بيرلتز أقل نسبة انتقاد وتوكلت على الله ودخلت معهد بيرلتز، وعلشان أفيدكم ببحثي عن بعض المعاهد:

معهد بيرلتز: معهد له سمعته على مستوى العالم ومستوى التدريس ممتع وليس تقليدي والهدف في تقديم مقرراته هو تطوير المتعلم في ممارسة اللغة الإنجليزية كحوارات وتحدث.

معهد نيوهرايزن: يركز في تطوير الطالب على المهارات الأربع reading, writing, lisetning, speaking.

معهد الحزيرة: يركز على تطوير الطالب في المهارات الأربع مثل نيوهرايزن ويقدم في اليوم 4 ساعات للدراسة، بأسلوب تقليدي كالدراسة في المدرسة.

المعهد البريطاني: لن أعلق بما رأيت، شخصيا لم أدخل الفصول وقررت الهروب منذ البداية.

وزرت معهد ناس لكن كان جديد، وسمعت عن المجلس الثقافي البريطاني وبصراحة المدح فيه كثير بس مازرته، علشان كذا ومن خلال زياراتي للمعاهد أشوف أن معهد بيرلتز أفضل معهد في الدراسة بأسلوبه المتميز والممتع، لكن أشوف نفسي أخطأت في دخولي معهد بيرلتز، بسبب الفائدة منه كانت في تطوير اللغة الإنجليزية للاستخدام في الحياة العامة لأنه أغلبه سوالف ومواضيع حوارية تبادلية (speaking) ونوعاً ما listening بدون مايعير اهتمام مخصص لتطوير الكتابة والقراءة (writing, reading) ، لذلك هو مو مناسب للمشروع الأكاديمي للجامعات أو لدخول اختبارات التوفل أو الايلتس (رأي شخصي)، وأنا درست المستوى السادس فيه بدون مأتطور في الرايتنق والريدنق بس تطورت في أسلوب السوالف وصرت منظم أكثر، وعندي اثنين من ربعي في امريكا كل ماأقول شي قالو شلون مهارتك في الرايتنق. يعني بدون رايتنق هناك في امريكا في الجامعات شبه أطيح من عينهم.

ومن هنا مانقدر نجزم بأفضل معهد للدراسة، هذا بيرلتز أنا شفت الكلاسات والمدرسين والمقررات بصراحة نوعاً ما ممتاز في الطرح، لكن مايناسبني كإعداد للدراسة في أمريكا. واختيار المعهد الأفضل يكون كأنسب معهد وليس أفضل معهد. فالواحد وعلى حسب احتياجه.

وللمعلومية أختبار التوفل فيه رايتنق وريدنق والايلس أكثر تركيزه على الكتابة والقراءة (الرايتنق والريدنق) أكثر من السبيكنق واللسننق، يعني إذا أبي أدرس في أمريكا أول شي أركز في الرايتنق والريدنق مو أهم شي أصير صاروخ في السوالف.

.

الاستعداد للاختبار:

صاحبي قالي الايلتس سهل مرة قدام التوفل ولا يتقارونون مع بعضهم وأنصحك فيه علشان تجيب درجة حلوة، ومن جهة ثانية تكلمت مع واحد من ربعي نازل من ايرلندا قالي مافي فرق بفي الصعوبة ين التوفل والأيلتس، هنا ضربت معلوماتي.. وأروح وأسوي بحث في النت، مرة أشوف واحد يقول التوفل أسهل بمراحل والايلس معقد، ومرة العكس، وباختصار حصلت النتيجة التالية:

ماتقدر تقول أن التوفل أصعب ولا الايلس أصعب، نقدر نحدد لما نعرف نوع اختبار التوفل، مثلأ توفل البيبر ولا توفل الكمبيوتر، ولقيت أن اللي  يقولون أن الأيلتس أصعب، فهم مختبرين التوفل على الكمبيوتر، واللي يقولون التوفل مو أصعب، هذولا مختبرين التوفل على الورق.

أما من ناحية الفرع الموجود عندنا في المنطقة، كان يقدم اختبار التوفل على الكمبيوتر فقط، علشان كذا .. رحت الخبر وحجزت موعد على الأيلتس في 31 يوليو (31/6/2010)، واشتريت كتاب من مكتبة جرير، والكتاب نفعني بصراحة كثير وقعدت أقرا قصص بالانجليزية وعرفت أساليب القراءة والكتابة في الاختبار. بس إلى الأن مابعد اختبر. والايلتس أثاريه فيه نوعين: ورق (peapr) و كمبيوتر، بس قالي صاحبي أسهل لك اختبار البيبر لأن اختبار الكمبيوتر اصعب، واخذت البيبر، وفي الحقيقة فرع الخبر مافيه الا بيبر.

بعدها شريت كتاب من جرير وبديت أتمرن على طرق أختبار الايلس وكتاب نصائح في الايلس أثناء الأختبار.

أما من ناحية اعدادي لدخول الاختبار، صرت مو مهتم بشكل مثل السابق، اكتفيت بدراسة المستوى السادس، وخويي اللي نزل من ايرلندا أجاريه واكتشف اخطاءه في اللغة بسهولة وجاب في الايلتس 4.5 والمطلوب مني 5، فوق كذا سالفة المكرمة اللي جات قبل موعد دراستي بثلاثة أيام في شهر مايو وندمت اني أجلت علشان دراسة اللغة، بالتالي خلتني هالأمور أقرر أني أختبر الايلس سواءاً جبت الدرجة خير وبركة، وإذا ماجبتها، فأنا متوكل على الله ورايح في أغسطس.

وسويت بحث في النت لمدة أسبوع تقريباً عن المعاهد الممتازة في تحسين اللغة،