الحصول على أمر إركاب

بعد الروقان وفيزتي في جوازي .. قلت خلني أطقطق عند الوزارة يمكن يحالفني الحظ وأحصل على أمر إركاب .. رحت الرياض صارت لي سالفة طويلة عريضة كرهت نفسي فيها ورجعت بدون فايدة.

رحت لمقر وزارة التعليم العالي من الساعة 8 الصباح، وضليت هناك وأول موظف استقبال جا حدود الساعة 9 ونص (موظفين حكومة 🙂 )، قلت له إذا أبغى أمر إركاب كيف وشلون، قالي شتبي ..!! قلت له ياعمي أنا ابروح امريكا وادرس .. قالي روح لمبنى الوزارة الخاص ببرنامج خادم الحرمين الشريفين، ولما رحت لهم حسيت فيها حووووسة من جد.

طبعاً أنا رحت من باب ضربة الحظ يعني ماني رايح بالغصب أحصل أمر الإركاب، والشي الثاني اللي خلاني أروح أني سمعت أن في واحد من الشباب استقال من العمل (ماعرفه شخصياً صراحة) بس اخذت رقمه وكلمته وعرفني، وقلت له افدني ياخوي لو في شي يمين ولا يسار ممكن يفيدني، قال أنا راسلت وسويت ومقابلة وكيت وكيت، وأثناء كلامه قال لي على سالفة أمر الاركاب، قلت له ويش اللي يخليك تسوي زحمة واتروح الرياض ولمدة خمسة ايام تروح وتجي الوزارة وتقدم أوراقك، أربعة أيام كل يوم ينرفض بس اليوم الخامس حالفه الحظ، قلت له روح ياعمي طق لك تذكرة  3000 ولا 4000 ريال وريح حالك، قالي مو هامتني التذكرة، اللي همني مابعد التذكرة..!! قلت له وشنهو اللي بعد التذكرة؟ قالي: لما تدخل أوراقك راح تدخل معلوماتك عندهم في السستم، وبيكون أسرع وأولوية في الإلحاق بالبعثة.

أنا صراحة بحثت في الموضوع، وحسيت فيها لف ودوران وواسطات ومادري شنهو وحاجة شايعة كثيرة في المنتديات وغيره لكن ما فيها حاجة رسمية تثبت هالشي ولا من واقع تجارب، ناس راحت معاها امر اركاب التحقو بسرعة وناس ثانية أخذو أمر أركاب وتأخرو حالهم من حال اللي ما أخذ أمر إركاب.

بصراحة ماقدر أنكر هالشي لكن في نفس الوقت ماعندي الشي اللي يثبتها، وعن نفسي هالخطوة تخطيتها، وهي تعتبر خطوة مو إجبارية بل إضافية للسفر والدراسة، لكن سمعت عنه كثير أن الحصول عليه مهم ويساعد في الالحاق بسرعة، والله أعلم.


11 thoughts on “الحصول على أمر إركاب

  1. ياشباب طلع امر الاركاب من حقنا ومحنا دارين هذا الكلام من موقع الوزارة :
    تذاكر سفر الطالب الدارس على حسابه الخاص
    نص قرار مجلس الوزراء رقم 322 في 11/3/1397هـ على منح الطلبة والطالبات الذين يدرسون في الخارج على حساب أولياء أمورهم تذاكر سفر من المملكة إلى مقار دراستهم أو العكس في الحالات التالية :
    إذا تعرض الطالب أو الطالبة لأي طارئ خارج الوطن وتعذرت عودته على حسابه الخاص .
    إذا اقتضت المصلحة العامة عودة الطالب أو الطالبة إلى المملكة . (ج) نقل جثمان الطالب أو الطالبة ممن يدرسون على حسابهم الخاص في الخارج في حالة الوفاة مع إركاب مرافق الجثمان.
    نص قرار مجلس الوزراء رقم 425 وتاريخ 6/4/1393هـ على منح الطالب الذي يدرس على حسابه الخاص في الخارج تذكرة سفر (للعودة إلى المملكة في اتجاه واحد) على أن يتقدم الطالب بطلبها بعد تخرجه في حدود ثلاثة أشهر من ظهور النتيجة، ويقتصر منح هذه التذكرة على الذين يثبت للملحقين الثقافيين نجاحهم بالكامل وحصولهم على البكالوريوس أو ما يعادلها من جامعات معترف بها .
    نص قرار مجلس التعليم العالي رقم 1/8/1418 المتوج بالموافقة السامية رقم 7/ب/5601 وتاريخ 22/4/1418هـ على منح الطلاب الدارسين على حسابهم الخاص تذاكر سفر كل سنتين (ذهاباً وعودة) إلى المملكة لقضاء إجازاتهم الدراسية بما لا يتجاوز ثلاث مرات وفق ضوابط تضعها وزارة التعليم العالي . وقد صدرت الضوابط بموجب التعميم الوزاري رقم ب/8/2/12090 وتاريخ 25/6/1418هـ على النحو التالي :-
    1.أن يكون الدارس على حسابه الخاص حاصلاً على موافقة وزارة التعليم العالي .
    2.أن تكون دراسته تحت إشراف الملحق الثقافي سواء كان في البلد الذي توجد فيه الملحقية الثقافية أو في بلد تقع تحت نطاق إشرافها .
    3.أن يكون الدارس منتظماً ومقيماً إقامة دائمة في بلد الدراسة ويسير في دراسته سيراً حسناً .
    4.تصرف التذاكر للدارس على حسابه الخاص ولزوجته وأولاده ووالدته إذا كان يعولها شرعاً – المقيمين معه إقامة دائمة في بلد الدراسة .
    5.تصرف التذاكر مرة كل سنتين اعتبارا من تاريخ التحاقه بالدراسة (ذهاباً وإياباً) لقضاء الإجازة الدراسية بما لا يتجاوز ثلاث مرات خلال المرحلة الدراسية الواحدة .

  2. انا من جدة ابغا امر الركاب بس ماعندي قبول جامعه بس معهد والفيزه

    يمديني اقدم بـ قبول المعهد والفيزه

    لو افحط ابوي مايروح معاي الرياض

    افيدووووووووني بعد اسبوع بروح الرياض

    استنا ردكم ؟؟

    1. لو عندي علم ياخوي كان رديت بالكلام اللي يسرك .. بس أنا عن نفسي ماأخذت أمر إركاب والشباب يقولون انها صعبة

  3. انا اتحدث عن نفسي ( اخذت امر اركاب من الدكتور علي العطية من دون واسطة ورحت الي امريكا الملحقية تتعامل مع الي معه امر اركاب معاملة مبتعث ويرسلون ملفك الى الرياض من اول يوم ولكن الوزارة تأخر بضم الطالب شوي يعني مو مضمون الحاقك بسرعة اذ اخذت امر اركاب ممكن تطول شوي

  4. اخوي اسمع مني انا صراحه خلصت امور القبول الجامعه والفيزا وبعدين اخذت البوي عند الاستاذ علي عطيه صراحه انحرج من ابوي لانه كبير في السن وقالي انتضر الرد بعد يومين انضرت لما جتني امر اركاب ونصيحتي اذا احد يبي امر اركاب يكون ابوه معه

  5. يارجال حنا ضعنا بالواسطات
    الله يخلي لنا ملكنا عبدالله ويحفظه من غيره نضيع بقوه
    دعواتكم يبقولني بالمرحله السابعه
    من المرحله الرابعه وانا اتلفت على القبول

  6. أنا عن نفسي ماأخذته وسمعت ان فيه واسطات وقلة حيا وتركته ومادري عنه .. واسطتي رب العالمين .. أنا أدرس وانشالله بتجيني البعثة بدون أمر الإركاب .. ماذبحت الشعب السعودي الا الواسطه.

    الله يكون بعون الجميع والله يوفق كل الطلاب الدارسين على حسابهم الخاص ويحصلون قرارات الابتعاث.

  7. سالفتي الحزينة هي:

    اني سمعت لما تجيب قبول من جامعة في امريكا وتجيب الفيزا يعطونك أمر إركاب بكل سهولة وبعد فترة جلست اشتغل بقبول الجامعة والفيزا لمدة شهر ونصف تقريباً بخسارة قدرها 4200 ريال للمكتب والفيزا وغيرة ولما حصلت على القبول والفيزا فرحااااان على نيتي ورحت من الساعة 6 ونصف الصباح لباب الوزارة وجلست لحد مافتحو البوابة ودخلو الموظفين واخذت رقم للدخول على العطية ودخلت على العطية ووقع اوراقي واعطوني رقم قيد للمعاملة وبعد ثلاث أيام جتني رسالة بالجوال أمر الإركاب مرفوض(خلاصة الكلام)
    كل اللي تسمعه كذب أمر الإركاب صعب صعب كثير ولا يحصل عليه إلا اللي عنده واسطه واللي عندهم واسطات ناس هاي هاي الأغلبية منهم ناس واصلين ماهم بحاجة لأمر إركاب أصلاً واللي محتاج ووضعه المادي سيء يطنشونه ويزيد الفقير فقراً والغني فحشاً وثرا وهذا اللي معمول فيه بهذا البلد من زمن ولا ناخذ الشي إلا بالواسطه وحب الخشوم فساد إداري ومالي حسبي الله ونعم الوكيل (من يعوض خسارتي ياخلق جاني إحباط من هالبلد وأهله)

  8. اخي الكريم بخصوص امر الاركاب مايجي بساهل
    مراح يجي امر اركاب الا بالواسطة عندك واسطة يجيب لك الامر ماعندك مستحيل يعطونك امر اركاب

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s